by Æfingar eru nú í fullum gangi á ærslafengnum fimm hurða farsa sem ætlunin er að setja á svið núna í vor og vonandi næst að sýna um páskana. Um er að ræða leikritið Bót og betrun eftir Micael Cooney og verður sýnt í félagsheimilinu Sævangi. Tíu leikarar taka þátt í uppsetningunni hjá Leikfélagi Hólmavíkur að þessu sinni, fimm karlar og fimm konur, bæði þaulvanir leikarar og nýliðar með leikfélaginu. Leikstjóri er Sigurður Líndal.
Það er mikið um að vera á sviðinu í Sævangi og leikmyndin þarf að vera traust til að þola atganginn. Við lofum bráðskemmtilegum farsa og það verður nóg af tækifærum til að skella upp úr yfir fjörinu og hamagangnum.
