Þú ert í blóma lífsins, fíflið þitt! er heilmikil þjóðfélagsádeila og sprell um leið. Forkólfar Leikfélagsins á þessum árum höfðu séð verkið á Bandalagshátíð í Hveragerði árið áður og höfðu húmor fyrir því. Það var hins vegar ekki hægt að segja um alla, t.d. skrifaði sú landsfræga Regína frá Gjögri skammarbréf í Dagblaðið um sýningu Leikfélagsins í Árnesi og sagði hana hið versta guðlast og klám í ofanálag, leikstjóranum til mestu ánægju.
Það gekk ekki þrautalaust að koma verkinu á svið, því leikendur eru margir og í mörgum hlutverkum. Hinir og þessir hættu líka á undirbúningstímanum og eftir að sýningar hófust. T.d. tók Magnús Rafnsson að sér hlutverk pabbans um leið og generalprufan byrjaði, og las textann yfir og lærði hann fyrir hverja senu. Geri aðrir betur.
Jón Gísli Jónsson setti félagsmet í hlutverkafjölda í einu leikriti í sýningunni. Hann lék 5 kennara, prest, lækni, klámleikara, Sigga frænda og Ómar Ragnarsson. Túlkun hans á hinum feimna Knúti kynfræðslukennara og hinum snargeðveika nasista Reinhart þýskukennara var hreinræktuð snilld.
– Smellið á myndirnar til að sjá stærri útgáfu –
Höfundar:
Davíð Þ. Jónsson og unglingar í Leikfélagi Hafnarfjarðar
Leikstjóri:
Jón Jónsson
Hvíslari:
Hildur Björnsdóttir
Leikarar og persónur:
| Stefanía Halldórsdóttir | Lilla |
| María Guðbrandsdóttir | Mamma, kórstúlka |
| Einar Indriðason / Magnús Rafnsson | Pabbi, plötusnúður |
| Vignir Pálsson | Mummi, læknir, ókunnugur maður í fermingarveislu, tæknimaður |
| Elva Bragadóttir | Olga, sæðisfruma, amma, kórstjóri, vordís |
| Sandra Gunnarsdóttir | Magga, sæðisfruma, Lóa frænka, kórstjóri |
| Jóhanna S. Jónsdóttir | Finna, sæðisfruma, Gunna, vordís |
| Ester Sigfúsdóttir | Gurra, sæðisfruma, kúrekastúlka, ókunnug kona í fermingarveislu, vordís |
| Jón Jónsson | Kalli klámhundur, kúreki, Jói frændi, klámleikkona |
| Sverrir Guðbrandsson | Doddi dóni, sæðisfruma, föðurafi, kúreki, tæknimaður |
| Matthías Lýðsson | Guð, Tommi. |
| Helga Björk Sigurðardóttir / Arnar S. Jónsson | Læknir, Jenni, móðurafi, kórstúlka, maður frá Kleppi, tæknimaður |
| Jón Gísli Jónsson | Lína dönskukennari, Leifur ljóðakennari, Knútur kynfræðslukennari, Reinhart þýskukennari, Grímhildur sögukennari, séra Helgidagur, Ómar Ragnarsson, læknir, Siggi frændi, klámleikari. |