Lífið er lotterí er haglega saman sett söng- og leikdagskrá úr verkum Jónasar og Jóns Múla Árnasona. Mikill fjöldi leikara og söngvara tók þátt í þessari uppfærslu en tæplega 30 manns stóðu á sviðinu þegar mest var.
Aðsókn að sýningunni var gríðarlega góð á Hólmavík, félagsheimilið troðfylltist í tvígang og Kvenfélagið Harpa sem sá um kaffiveitingar hafði varla við að selja kökur og kaffi ofan í menningarþyrsta heimamenn sem skemmtu sér konunglega.
Um sumarið var sýningin sett upp í gömlu síldarverksmiðjunni í Djúpavík, en þá fór þar fram fyrsta Djúpavíkurhátíðin. Siggi Atla var í heila viku fyrir norðan að undirbúa sjóvið, því mikið þurfti til að gera 60 ára aflagða geymslu að aðlaðandi leikhúsi. Restin af leikhópnum kom síðan kvöldið fyrir sýningu og lagði lokahönd og blessun sína yfir verkið.
Þessi sýning á Lotteríinu tókst með eindæmum vel og um 300 manns skemmtu sér konunglega yfir henni. Meðal þeirra var gagnrýnandi frá Degi sem sagði meðal annars:
- Ásdís flutti lagið Svona er að vera siðprúð og gerði vel. Hún jók síðan á skopið í flutningi Sigurðar á laginu Klara Klara en þar fór hann á kostum.
- Björk fór afar fallega með lagið Bíum Bíum bambaló og Salbjörg fór skemmtilega með lagið Ég elska hann Jóhann, þar sem hún beitti fyrir sig nokkrum groddalegum töktum sem vöktu mikla kátínu.
- Einar og Sigurður gerðu vel í Deleríum Búbónis og fór Sigurður hreinlega á kostum í ræðu ráðherrans.
- Í Drottins dýrðar koppalogni voru leikararnir lipurlegir í hlutverkum sínum, einkum Einar Indriðason og Sverrir Guðbrandsson.
Í ágúst var síðan haldið með sýninguna á leiklistarhátíð Bandalagsins í Mosfellsbæ, og sýnt í Hlégarði. Þar var mættur Jónas Árnason, en hann var sóttur upp á svið í lokaatriðinu og söng hann nokkur lög með hópnum. Sýningin fékk ágæta dóma hjá gagnrýnendum hátíðarinnar. Helst var sett út á bátinn, hann þótti alltof stór og var sagður gleypa sviðið. Þá var sagt að grænt ljós á Pálínu í söng hennar minnti gagnrýnendur helst á ælu. Hmm.
Höfundur:
Jónas Árnason
Listráðunautur:
Ásdís Thorarensen
Yfirsetukona:
Salbjörg Engilbertsdóttir
Söngstjórn:
Sigríður Óladóttir
Undirleikur:
Gunnlaugur Bjarnason, Sigríður Óladóttir og Salbjörg Engilbertsdóttir frá Tirðilmýri.
Söngur:
Aðalheiður Ragnarsdóttir, Björk Jóhannsdóttir, Jónína Gunnarsdóttir, Röfn Friðriksdóttir, Kristbjörg Magnúsdóttir, Ásdís Jónsdóttir, Sigríður Óladóttir, Salbjörg Engilbertsdóttir, Haraldur V.A. Jónsson, Ásmundur Vermundsson, Gunnlaugur Bjarnason, Eysteinn Gunnarsson, Sigurður Atlason, Einar Indriðason, Sverrir Lýðsson og Sverrir Guðbrandsson.
Ungmeyjasöngur:
Áshildur Böðvarsdóttir, Nanna María Elvarsdóttir, Hrefna Guðmundsdóttir, Kristjana Eysteinsdóttir, Ester Ingvarsdóttir, Rebekka Atladóttir, María Guðmundsdóttir, Guðbjörg Gunnlaugsdóttir, Aðalheiður Ólafsdóttir, Sigurrós Þórðardóttir og Harpa Hlín Haraldsdóttir.
Persónur og leikarar í leikþáttum:
| Skjaldhamrar: | |
| Kormákur vitavörður | Einar Indriðason |
| Páll Daníel Nielsen | Sverrir Guðbrandsson |
| Deleríum Búbónis: | |
| Ægir Ó. Ægis | Einar Indriðason |
| Ráðherrann | Sigurður Atlason |
| Pálína, kona Ægis | Jónína Gunnarsdóttir |
| Drottins dýrðar koppalogn: | |
| Georg oddviti | Eysteinn Gunnarsson |
| Séra Konráð | Einar Indriðason |
| Jakob hreppsstjóri | Sverrir Lýðsson / Sigurður Atlason |
| Davíð skólastjóri | Sverrir Guðbrandsson |
Hvíslari:
María Guðbrandsdóttir
Sviðsmynd:
Sigurður Atlason, Sverrir Guðbrandsson, Einar Indriðason, Sigurður Sveinsson og Jón Gísli Jónsson
Búningar:
Sunna Vermundsdóttir, Adda Þorsteinsdóttir, Salbjörg Engilbertsdóttir og Ásdís Jónsdóttir
Lýsing:
Sigurður Atlason og Sigurður Sveinsson
Förðun:
María Guðbrandsdóttir og Salbjörg Engilbertsdóttir
Sýningar (5):
Hólmavík – 19. mars
Hólmavík – 26. mars
Hólmavík – 6. aprílk
Djúpavík – 23. júlí
Mosfellsbær – 27. ágúst