Góðkunningjar sælgætisgrísanna, tannbjálfarnir Karíus og Baktus, voru teknir til skoðunar og sýninga síðla árs 1991. Félagar í Leikfélaginu höfðu þá tekið fjölmörg barnaleikrit til yfirlestrar, en flest voru þau upp á frekar fáa fiska. Góð barnaleikrit vaxa greinilega ekki á trjánum.
Það þóttu mikil tíðindi þegar út spurðist að sveitarstjóri og oddviti Hólmavíkurhrepps væru í aðalhlutverkum leiksins. Síðan var náttúrulega heilmikið basl að koma þessari leikmynd upp og enginn vildi leika tannburstann. Þetta tókst samt allt að lokum og sýningin var leikin af mikilli innlifun. Sum börnin á Hólmavík höfðu svo mikla samúð með þeim félögum eftir að hafa séð verkið að þau neituðu að láta bursta í sér tennurnar í margar vikur.
Leikritið er bara svo skratti stutt að það er hálfvandræðalegt að sýna það.
– Smellið á myndirnar til að sjá stærri útgáfu –
Höfundur:
Thorbjörn Egner
Leikstjóri:
Jón Jónsson
Leikarar:
| Karíus | Stefán Gíslason |
| Baktus | Drífa Hrólfsdóttir |
Hvíslari:
Jóhanna S. Jónsdóttir
Sviðsmenn og tannbursti:
Arnar S. Jónsson, Jensína Pálsdóttir, Jón Gísli Jónsson, Ingibjörg Sigurðardóttir og Árdís B. Jónsdóttir
Sviðsmynd:
Ásmundur Vermundsson og Ómar Pálsson
Förðun og gerð leikskrár:
María Guðbrandsdóttir
Búningahönnun:
Ásdís Jónsdóttir
Lýsing:
Jóhann L. Jónsson
Hljóð og tónlist:
Sverrir Guðbrandsson og Gunnlaugur Bjarnason
Sýningar (3):
Hólmavík – 5. desember
Hólmavík – 7. desember
Hólmavík – 8. desember