„Þeir sem eru alltaf með hjartað í buxunum,
eru ekki með hjartað á réttum stað.“
Ballið á Bessastöðum er bráðskemmtilegt leikrit fyrir börn á öllum aldri. Leikfélag Hólmavíkur setur verkið upp í samstarfi við Grunnskólann á Hólmavík. Höfundur verksins er Gerður Kristný og er það byggt á Bessastaðabókum hennar; Ballið á Bessastöðum og Prinsessan á Bessastöðum. Tónlistin eftir Braga Valdimar Skúlason og hann og Gerður Kristný eiga sameiginlega söngtexta sýningarinnar. Leikstjóri er Hrafnhildur Guðbjörnsdóttir
Ballið á Bessastöðum er dæmalaust gleðilegur söng- og gamanleikur fyrir börn og fullorðna þar sem við fáum innsýn í líf og störf forsetans og starfsfólks á Bessastöðum, kynnumst alvöru prinsessu og konungshjónum. Við förum í útilegu, brúðkaup, hittum landnámshænu og skoðum skýin.
Á Bessastöðum er alltaf nóg af draugagangi, kransakökum, fálkaorðum og fjöri!
Hefð er fyrir því að Grunn- og tónskólinn á Hólmavík og Leikfélag Hólmavíkur leiði saman hesta sína annað hvert ár og setji á svið stórt verk í sameiningu. Samvinnan er býsna dýrmæt, enda er leikhúshefð afar rík á Hólmavík þar sem ungt fólk lærir snemma að stíga á svið og koma fram, sem aftur reynist þeim gott veganesti inn í framtíðina og stuðlar að öruggri endurnýjun hjá okkar öfluga áhugaleikfélagi.
Höfundur: Gerður Kristný
Pistill um höfundinn: Gerður Kristný Guðjónsdóttir fæddist í Reykjavík 10.júní 1970, en móðir hennar er frá Litla-Fjarðarhorni í Kollafirði á Ströndum. Gerður ólst upp í Háaleitishverfinu, gekk í Álftamýrarskóla og fór síðan í Menntaskólann við Hamrahlíð og Háskóla Íslands. Gerður skrifar jöfnum höndum verk fyrir börn og fullorðna og hefur sent frá sér skáldsögur, ljóð og leikrit auk annars efnis. Hún hefur hlotið margvísleg verðlaun og viðurkenningar fyrir bækur sínar, en meðal þeirra þekktustu eru: Marta smarta, Bátur með segli og allt, Myndin af pabba – Saga Thelmu, Blóðhófnir og ljóðabókin Strandir.
Tónlist: Bragi Valdimar Skúlason
Söngtextar: Gerður Kristný og Bragi Valdimar
Leikstjóri: Hrafnhildur Guðbjörnsdóttir
Pistill um leikstjórann: Hrafnhildur Guðbjörnsdóttir hefur tekið þátt í samstarfsverkefnum Grunnskólans á Hólmavík og Leikfélags Hólmavíkur og meðal annars leikstýrt Kardimommubænum, Skollaleik, Jóladagatalinu og Dýrunum í Hálsaskógi. Hún samdi einnig leikritið Þrymskviða hin nýrri ásamt dóttur sinni Hörpu Hlín. Hrafnhildur býr á Hólmavík ásamt eiginmanni sínum Haraldi og saman eiga þau fjögur börn og fimm barnabörn. Hún er einnig skólastjóri Grunnskólans á Hólmavík og bóndi með kindur og hesta og auðvitað landnámshænur.
Persónur og leikarar:
| Forsetinn | Jón Jónsson |
| Halldóra ráðskona | Ingibjörg Sigurðardóttir |
| Langi ritarinn | Elísabet Kristín Kristmundsdóttir |
| Brosmildi ritarinn | Guðrún Sigurðardóttir |
| Krullótti ritarinn | Alma Lind Ágústsdóttir |
| Bréfberinn | Úlfar Örn Hjartarson |
| Bakaradraugurinn | Ingibjörg Jónsdóttir |
| Prinsessan | Bára Örk Melsted |
| Kóngurinn | Sigurgeir Guðbrandsson |
| Drottningin | Máney Dís Baldursdóttir |
| Auður | Ester Sigfúsdóttir |
| Lárus Auðarson | Jón Valur Jónsson |
| Grímur bóndi | Stefán Snær Ragnarsson |
| Kýrin Lilja | Halldór Kári Þórðarson |
| Diskókýrnar | Guðrún Júlína, Elísabet Kristín og Alma Lind |
| Hallveig landnámshæna | Daníel Freyr Newton |
| 100 ára gömul kona | Svanhildur Jónsdóttir |
| Söngvari | Sólrún Ósk Pálsdóttir |
Tónlistarstjóri:
Gunnur Arndís Halldórsdóttir
Tækni- og hljóðmaður:
Harpa Dögg Halldórsdóttir
Myndvarpastjórn:
Ásta Þórisdóttir, Úlfar Örn Hjartarson
Lýsing:
Bjarki Guðlaugsson, Ásta Þórisdóttir
Ljósamaður:
Ingibjörg Emilsdóttir
Sviðsmynd og sýningartjald:
Ásta Þórisdóttir, Svanur Kristjánsson, Jón Gísli Jónsson
Búningar og leikmunir:
Svanhildur Jónsdóttir, Brynja Rós Guðlaugsdóttir, Ásdís Jónsdóttir
Hárgreiðsla og förðun:
Kristín Lilja Sverrisdóttir, Birna Karen Bjarkadóttir, Jóhanna Guðbrandsdóttir, Elísa Mjöll Sigurðardóttir, leikhópurinn
Sviðsmenn
Kristján Rafn Jóhönnuson, Hrafnhildur Guðbjörnsdóttir
Leikskrá:
Salbjörg Engilbertsdóttir, Dagbjört Torfadóttir
Miðasölustjóri:
Dagbjört Torfadóttir
Sýningar (6):
Frumsýning: Föstudaginn 18. mars, kl. 20:00 – Félagsheimilinu á Hólmavík – hluti af Barnamenningarhátíð Vestfjarða
2. sýning: Sunnudaginn 20. mars, kl. 14:00 – Félagsheimilinu á Hólmavík
3. sýning: Þriðjudaginn 22. mars, kl. 18:00 – Félagsheimilinu á Hólmavík
4. sýning: Páskadag 27. mars, kl. 20:00 – Félagsheimilinu á Hólmavík
5. sýning: Fimmtudaginn 31. mars, kl. 18:00 – Félagsheimilinu á Hólmavík
Lokasýning: Sunnudaginn 3. apríl, kl. 15:00 – Dalabúð, Búðardal
Aðgangseyrir var 2.500 fyrir 14 ára og eldri en 1.500 fyrir 4-13 ára
