Óvenju breiður aldurshópur tók þátt í uppsetningunni á Karlinum í kassanum, skemmtilegum gamaldags farsa. Sá elsti í leikarahópnum var 69 ára en sá yngsti 14 ára. Tíu leikarar fóru með tólf hlutverk. Arnlín Óladóttir leikstýrði á allnokkrum æfingum, en að hluta til fóru æfingarnar fram stjórnlaust. Æft var og sýnt í Sævangi og gekk bara býsna vel, þó að stundum væri dálítið kalt í húsinu á æfingatímanum.
Frumsýning var reyndar í bráðri hættu því einn leikarinn, hæstaréttarlögmaðurinn Sverrir Guðbrandsson, var veðurtepptur við snjómokstur norður í Árneshreppi í nærri viku fyrir frumsýningu. En allt hafðist þetta nú að lokum.
Og aðsóknin hefur aldrei verið betri hjá Leikfélagi Hólmavíkur. Fullyrða má að það hafi einmitt komið sér mjög vel því staðan í kassanum var ekkert sérstök. Farið var í ferðir með stykkið, á Drangsnes, í Króksfjarðarnes og norður í Árnes.
Höfundar:
Arnold og Bach
Leikstjóri:
Arnlín Óladóttir.
Persónur og leikarar:
| Pétur P.P. Mörland | Einar Indriðason |
| María Mörland | Svanhildur Jónsdóttir |
| Dollý | María Mjöll Guðmundsdóttir |
| Tóta | Sigurrós Þórðardóttir |
| Mr. Goodman Ólsen (Búlli) | Vignir Örn Pálsson |
| Prófasturinn | Áskell Benediktsson |
| Friðmundur Friðar | Jón Jónsson |
| Hæstaréttardómarinn | Sverrir Guðbrandsson |
| Anna Sólveig | Stefanía Jónsdóttir |
| Boy Baldur | Andri Freyr Arnarson |
Hvíslarar:
Þuríður Friðriksdóttir og Salbjörg Engilbertsdóttir
Förðun og hárgreiðsla:
Salbjörg Engilbertsdóttir og Lára G. Agnarsdóttir
Leikmynd, búningar, lýsing o.fl.:
Arnlín Óladóttir, Magnús Rafnsson, Hrönn Magnúsdóttir, Þuríður Friðriksdóttir
Leikskrá:
Salbjörg Engilbertsdóttir og Steinunn B. Halldórsdóttir
Sýningar (7):
Sævangur – 12. apríl, fimmtudagur (skírdagur)
Sævangur – 14. apríl, laugardagur
Sævangur – 16. apríl, mánudagur
Sævangur – 1. júní, föstudagur
Króksfjarðarnes – 4. júní, mánudagur
Drangsnes – 7. júní, fimmtudagur
Trékyllisvík – 9. júní, laugardagur